როდესაც სარეკლამო სააგენტო ამზადებს შეთავაზებას დამკვეთი კომპანიისთვის, აუცილებელია პროდუქტის შესახებ დეტალური ინფორმაციის მიღება, რათა შემუშავდეს სწორი და მაქსიმალურ შედეგზე ორიენტირებული წინადადება. სარეკლამო გეგმის შესაქმნელად პირველ რიგში საჭიროა პროდუქტის შესახებ ფართო ინფორმაცია.

ამ ინფორმაციაში შედის:

• პროდუქტის ფასი, სეგმენტი, მახასიათებლები, სამიზნე აუდიტორია, ბაზარზე პოზიციონირება და მომხმარებლის პორტრეტი.

• სეგმენტი გულისხმობს ჯგუფებს, რომლებიც დაყოფილია ასაკის, სქესის, ინტერესების, სოციალური და ეკონომიკური მდგომარეობის მიხედვით.

შემდეგ სამიზნე აუდიტორია პრიორიტეტების მიხედვით ნაწილდება:

ვივარაუდოთ, რომ პროდუქტი განკუთვნილია როგორც მამაკაცებისთვის, ასევე ქალებისთვის და ახალგაზრდებისთვის. თუმცა კომპანიისთვის არსებობს პრიორიტეტული მომხმარებლების ჯგუფები.

მაგალითად:

1. პირველ ადგილზე არიან მამაკაცი კომპანიის მენეჯერები დინამიკური ცხოვრების წესით, რომლებიც გვიან საათებამდე მუშაობენ.

2. მეორე ადგილზე არიან ადამიანები, რომლებიც დიდ მნიშვნელობას ანიჭებენ ჯანმრთელობასა და ფიზიკურ ფორმას.

3. მესამე ჯგუფს წარმოადგენენ სტუდენტები, რომლებიც გვიან საათებამდე სწავლობენ, დღის დიდ ნაწილს განათლებას უთმობენ და ნაკლებ დროს პოულობენ კვებისა და სპორტისთვის.

ჩვენი პროდუქტი შექმნილია იმისათვის, რომ დღის განმავლობაში ადამიანს შეუნარჩუნოს ენერგია, სიფხიზლე და დანაყრების შეგრძნება, ამასთანავე მისი ფასი შეესაბამება საშუალო სეგმენტს.

ამ ყველა ფაქტორის განსაზღვრის შემდეგ უკვე ირჩევა შესაბამისი სარეკლამო არხები და საკომუნიკაციო საშუალებები.

მაგალითად, ამ პროდუქტისათვის შესაბამისი კომუნიკაციის არხებია ინტელექტუალური და სპორტული სატელევიზიო გადაცემები, მეტრო, უნივერსიტეტების შიდა სივრცეები, სავაჭრო ცენტრები და სოციალური ქსელები.

გაგრძელება იქნება…